ہے یہ تکیہ تری عطاؤں پر — الطاف حسین حالی
شاعر
ہے یہ تکیہ تری عطاؤں پر
ہے یہ تکیہ تری عطاؤں پر
وہی اصرار ہے خطاؤں پر
رہیں نا آشنا زمانہ سے
حق ہے تیرا یہ آشناؤں پر
رہروو با خبر رہو کہ گماں
رہزنی کا ہے رہنماؤں پر
ہے وہ دیر آشنا تو عیب ہے کیا
مرتے ہیں ہم انہیں اداؤں پر
اس کے کوچہ میں ہیں وہ بے پر و بال
اڑتے پھرتے ہیں جو ہواؤں پر
شہسواروں پہ بند ہے جو راہ
وقف ہے یاں برہنہ پاؤں پر
نہیں منعم کو اس کی بوند نصیب
مینہ برستا ہے جو گداؤں پر
نہیں محدود بخششیں تیری
زاہدوں پر نہ پارساؤں پر
حق سے درخواست عفو کی حالیؔ
کیجے کس منہ سے ان خطاؤں پر
hai ye takiya tirī atāoñ par
hai ye takiya tirī atāoñ par
vahī isrār hai khatāoñ par
raheñ nā āshnā zamāna se
haq hai terā ye āshnāoñ par
rahravo bā khabar raho ki gumāñ
rahzanī kā hai rahnumāoñ par
hai vo der āshnā to aib hai kyā
marte haiñ ham unheñ adāoñ par
us ke kūcha meñ haiñ vo be-par-o-bāl
uṛte phirte haiñ jo havāoñ par
shahsavāroñ pe band hai jo rāh
waqf hai yahāñ barahna pāoñ par
nahīñ mun'im ko us kī boond nasīb
meñh barastā hai jo gadāoñ par
nahīñ mahdūd bakhshisheñ terī
zāhidoñ par na pārsāoñ par
haq se darkhwāst-e-afv kī Hālī
kīje kis muñh se un khatāoñ par