حشر تک یاں دل شکیبا چاہئے — الطاف حسین حالی
شاعر
حشر تک یاں دل شکیبا چاہئے
حشر تک یاں دل شکیبا چاہئے
کب ملیں دلبر سے دیکھا چاہئے
ہے تجلی بھی نقاب روئے یار
اس کو کن آنکھوں سے دیکھا چاہئے
غیر ممکن ہے نہ ہو تاثیر غم
حال دل پھر اس کو لکھا چاہئے
ہے دل افگاروں کی دل داری ضرور
گر نہیں الفت مدارا چاہئے
ہے کچھ اک باقی خلش امید کی
یہ بھی مٹ جائے تو پھر کیا چاہئے
دوستوں کی بھی نہ ہو پروا جسے
بے نیازی اس کی دیکھا چاہئے
بھا گئے ہیں آپ کے انداز و ناز
کیجئے اغماض جتنا چاہئے
شیخ ہے ان کی نگہ جادو بھری
صحبت رنداں سے بچنا چاہئے
لگ گئی چپ حالیؔ رنجور کو
حال اس کا کس سے پوچھا چاہئے
hashr tak yāñ dil shakībā chāhiye
hashr tak yāñ dil shakībā chāhiye
kab mileñ dilbar se dekhā chāhiye
hai tajallī bhī naqāb-e-rū-e-yār
us ko kin āñkhoñ se dekhā chāhiye
ġhair mumkin hai na ho tāṣīr-e-gham
hāl-e-dil phir us ko likhā chāhiye
hai dil-afgāroñ kī dil-dārī zarūr
gar nahīñ ulfat mudārā chāhiye
hai kuchh ik bāqī ḳhalish-e-umīd kī
ye bhī miṭ jā'e to phir kyā chāhiye
dostoñ kī bhī na ho parvā jise
be-niyāzī us kī dekhā chāhiye
bhā ga'e haiñ aap ke andāz-o-nāz
kījiye iġhmāz jitnā chāhiye
shaiḳh hai un kī nigah jādū bharī
sohbat-e-rindāñ se bachnā chāhiye
lag ga'ī chup Hālī-e-ranjūr ko
hāl us kā kis se pūchhā chāhiye