جنوں کار فرما ہوا چاہتا ہے — الطاف حسین حالی
شاعر
جنوں کار فرما ہوا چاہتا ہے
جنوں کار فرما ہوا چاہتا ہے
قدم دشت پیما ہوا چاہتا ہے
دم گریہ کس کا تصور ہے دل میں
کہ اشک اشک دریا ہوا چاہتا ہے
خط آنے لگے شکوہ آمیز ان کے
ملاپ ان سے گویا ہوا چاہتا ہے
بہت کام لینے تھے جس دل سے ہم کو
وہ صرف تمنا ہوا چاہتا ہے
ابھی لینے پائے نہیں دم جہاں میں
اجل کا تقاضا ہوا چاہتا ہے
مجھے کل کے وعدے پہ کرتے ہیں رخصت
کوئی وعدہ پورا ہوا چاہتا ہے
فزوں تر ہے کچھ ان دنوں ذوق عصیاں
در رحمت اب وا ہوا چاہتا ہے
قلق گر یہی ہے تو راز نہانی
کوئی دن میں رسوا ہوا چاہتا ہے
وفا شرط الفت ہے لیکن کہاں تک؟
دل اپنا بھی تجھ سا ہوا چاہتا ہے
بہت حظ اٹھاتا ہے دل تجھ سے مل کر
قلق دیکھیے کیا ہوا چاہتا ہے
غم رشک کو تلخ سمجھے تھے ہمدم
سو وہ بھی گوارا ہوا چاہتا ہے
بہت چین سے دن گزرتے ہیں حالیؔ
کوئی فتنہ برپا ہوا چاہتا ہے
junūñ kār-farmā huā chāhtā hai
junūñ kār-farmā huā chāhtā hai
qadam dasht-paimā huā chāhtā hai
dam-e-girya kis kā tasavvur hai dil meñ
ki ashk ashk daryā huā chāhtā hai
ḳhat aane lage shikva-āmez un ke
milāp un se goyā huā chāhtā hai
bahut kām lene the jis dil se ham ko
vo sirf tamannā huā chāhtā hai
abhī lene pā'e nahīñ dam jahāñ meñ
ajal kā taqāzā huā chāhtā hai
mujhe kal ke wa'de pe karte haiñ ruḳhsat
ko'ī wa'da pūrā huā chāhtā hai
fazūñ-tar hai kuchh in dinoñ zauq-e-iṣyāñ
dar-e-rehmat ab vā huā chāhtā hai
qalaq gar yahī hai to rāz-e-nihānī
ko'ī din meñ rusvā huā chāhtā hai
wafā shart-e-ulfat hai lekin kahāñ tak?
dil apnā bhī tujh sā huā chāhtā hai
bahut haz uṭhātā hai dil tujh se mil kar
qalaq dekhiye kyā huā chāhtā hai
gham-e-rashk ko talḳh samjhe the hamdam
so vo bhī gavārā huā chāhtā hai
bahut chain se din guzarte haiñ Hālī
ko'ī fitna barpā huā chāhtā hai