کر کے بیمار دی دوا تو نے — الطاف حسین حالی
شاعر
کر کے بیمار دی دوا تو نے
کر کے بیمار دی دوا تو نے
جان سے پہلے دل لیا تو نے
رہرو تشنہ لب نہ گھبرانا
اب لیا چشمۂ بقا تو نے
شیخ جب دل ہی دیر میں نہ لگا
آ کے مسجد سے کیا لیا تو نے
دور ہو اے دل مآل اندیش
کھو دیا عمر کا مزا تو نے
ایک بیگانہ وار کر کے نگاہ
کیا کیا چشم آشنا تو نے
دل و دیں کھو کے آئے تھے سوئے دیر
یاں بھی سب کچھ دیا خدا تو نے
خوش ہے امید خلد پر حالیؔ
کوئی پوچھے کہ کیا کیا تو نے
kar ke bīmār dī davā tū ne
kar ke bīmār dī davā tū ne
jān se pahle dil liyā tū ne
rah-rav tishna-lab na ghabrānā
ab liyā chashma-e-baqā tū ne
shaiḳh jab dil hī dair meñ na lagā
ā ke masjid se kyā liyā tū ne
dūr ho ai dil-e-māl-andesh
kho diyā umr kā mazā tū ne
ek begāna-vār kar ke nigāh
kyā kyā chashm-e-āshnā tū ne
dil-o-dīñ kho ke ā'e the sū-e-dair
yāñ bhī sab kuchh diyā ḳhudā tū ne
ḳhush hai umīd-e-ḳhuld par Hālī
ko'ī pūchhe ki kyā kyā tū ne