اَکھر ساجھے بولی آپو اپنی اے — عاقب ستیانوی
شاعر
اَکھر ساجھے بولی آپو اپنی اے
اَکھر ساجھے بولی آپو اپنی اے
اِتھے ہر دی ٹولی آپو اپنی اے
غربت ساجھا دُکھ اے ساری وستی دا
دُکھ تاں ساجھائے جھولی آپو اپنی اے
ہِکو ساجھا ویہڑا سارے وِیراں دا
چُلہے نال کدھولی آپو اپنی اے
کوئی نہیں وِسیا میریاں حال دوہائیاں تے
لوکاں ترکڑی تولی آپو اپنی اے
عاقب ساجھے لاگ ہِن بھاویں سگناں دے
ہر بنری دی ڈولی آپو اپنی اے
Akhar sajhe boli aapo apni ae
Akhar sajhe boli aapo apni ae
Ithe har di toli aapo apni ae
Ghurbat sajha dukh ae saari wasti da
Dukh tan sajhaaye jholi aapo apni ae
Hiko sajha veehra saare veeran da
Chulhe naal kadholi aapo apni ae
Koi nahin wisiya meriyan haal dohhaiyan te
Lokaan tarkadi toli aapo apni ae
Aaqib sajhe laag hin bhavein sugnan de
Har banri di doli aapo apni ae