اساں باہُو دی بولی بولدے سانوں پیر فرید دی جاگ — عاقب ستیانوی
شاعر
اساں باہُو دی بولی بولدے سانوں پیر فرید دی جاگ
اساں باہُو دی بولی بولدے سانوں پیر فرید دی جاگ
اساں سچے قول قرار دے ساڈی ستھری صاف دلیل
ساڈا کئیں نئیں جھیڑا جھیڑیا اسی اپنے آپ وکیل
اساں راتاں کٹیاں جاگ کے ساڈے روندیاں گزرے سال
ساڈے اج وی کچے کوٹھرے ساڈا راہ تے بجدا مال
اساں روگ پرایا پالیا ساڈی کئیں نئیں جاتی نیک
سانوں اس وی اکھیاں جانگلی اساں جس نوں دِتی ٹیک
اجاں پی کے کنگوں گھاٹیاں ساڈے سُتے پئے پردھان
اجے چھوت چھپتن کھیڈ دے ساڈے بہادر شیر جوان
جداں جٹکی وسوں جاگسی ساڈے جگ تے ویکھی ٹھاٹھ
ساڈے ویری کمسن خوف توں اِنج بدلے لیسن راٹھ
جیوے مہر مراد دلیل دے لیا احمد خان دا ویر
اِنج وجیا جٹ انگریز نوں نسوں چا ونڑ دِتا پیر
اساں کالا پانی بھوگیا نئیں من دی منی ہار
اساں پرمی اپنے دیس دے سن رہتل نال پیار
اساں سک دا دیوا بالیا اساں ویکھے سُکھ دے خاب
ساڈی عاقب جھوک رنگیلڑی شالا وسے دیس پنجاب
Asaan Baahu Di Boli Bolde Sanu Peer Fareed Di Jaag
Asaan Baahu di boli bolde sanu Peer Fareed di jaag
Asaan sacche qaul qaraar de saadi suthri saaf daleel
Saada kaiyen nayi jheeda jheediya asin apne aap wakeel
Asaan raataan kattiyaan jaag ke saade rondiyaan guzre saal
Saade aj vi kacche kootdhare saada raah te bajda maal
Asaan rog paraya paaliya saadi kaiyen nayi jaati nek
Sanu us vi akhiyaan jaangli asaan jis noon ditti tek
Ajja pe ke kungon ghaatiya saade sute paye pardhaan
Aje chhoot chhapton khed de saade bahadur sher jawan
Jadaan jattki wasson jaagasi saade jag te wekhi thaath
Saade veri kamsin khauf ton inj badle lesan raath
Jeeve Mehr Muraad daleel de liya Ahmad Khan da veer
Inj wajiya jatt Angrez noon nassoon cha wanad ditta Peer
Asaan kaala paani bhogiya nayi mann di manni haar
Asaan parmi apne des de sun rehtal naal pyaar
Asaan sak da deeva baaliya asaan wekhe sukh de khwaab
Saadi Aaqib jhōk rangeeldi shaala wase des Punjab