دِل دی حالت بدلدی جاندی اے — عاقب ستیانوی
شاعر
دِل دی حالت بدلدی جاندی اے
دِل دی حالت بدلدی جاندی اے
کھیڈ ہتھ چوں نکلدی جاندی اے
میری آساں دے چَڑدے ڈیوے دی
لاٹ بُجھدی تے ب٘لدی جاندی اے
اَیرے بھُر گئے نی تھوب جا آ کے
کدھ بھروسے دی گَلدی جاندی اے
تیرا وعدہ ہاہ اگلے پاہراں دا
ہُن تاں دیگر وی ڈھَلدی جاندی اے
جھَل کے ماراں ہجر دیاں "عاقب"
جِند نِماݨی سملدی جاندی اے
Dil di haalat badaldi jaandi ae
Dil di haalat badaldi jaandi ae
Kheṛ hath choñ nikladi jaandi ae
Meri aasaaṇ de chaṛday divay di
Laaṭ bujhdi te baṛaldi jaandi ae
Airey bhuṛ gaye naiñ thob ja aa ke
Kadh bharosay di galdi jaandi ae
Tera va'ada haah aglay paahraaṇ da
Hun taaṇ deegar vi ḍhaldi jaandi ae
Jhal ke maaraaṇ hijr diyan "Aaqib"
Jind nimaaṭi samladi jaandi ae