اُٹھ الاہمے سچ نِروچے رولے نِکے نِکے — عاقب ستیانوی
شاعر
اُٹھ الاہمے سچ نِروچے رولے نِکے نِکے
اُٹھ الاہمے سچ نِروچے رولے نِکے نِکے
اج وی مینوں یاد ہن تیرے روسے نِکے نِکے
ہُن تاں تینوں یاد کرن دا ویل وی کوئی نئیں ہوندا
ویہلیاں رہہہ کے وی نئیں مُکدے روجھے نِکے نِکے
کُتری کُتری کر چھڈیا اے پُتراں پیو دا ویہڑا
ویہڑے دے وچ بَن گئے کِتنے ویہڑے نِکے نِکے
چاہواں نال اُلیک کے گھلیا دل میں ورقے اُتے
پاڑ کے ورقہ کر چھوڑے سوں ٹوٹے نِکے نِکے
عاقبٓ کچی جھُگی دے وچ بہہ کے بچڑا میرا
گَتے کَٹ کے روز بَنئیندائے بنگلے نِکے نِکے
Uṭh Allame sach nirooñche role nikke nikke
Uṭh Allame sach nirooñche role nikke nikke
Aj vi mainu yaad hin tere roose nikke nikke
Hun taa'n tainu yaad karan da wel vi koi naiñ hoñda
Vehliyañ reh ke vi naiñ mukde roojhe nikke nikke
Kutri kutri kar chhadya ae putraa'n piyu da vehṛa
Vehṛe de wich ban gaye kitne vehṛe nikke nikke
Chahwaa'n naal uleek ke ghalya dil meiñ waraqe utte
Paaṛ ke waraqa kar chhoṛiye soo'n tooṭe nikke nikke
Aaqib kachchi jhuggi de wich beh ke bachra mera
Gatte kaṭṭ ke roz ban'indaae bungle nikke nikke