آنکھ سے بچھڑے کاجل کو تحریر بنانے والے — غلام محمد قاصر
شاعر
آنکھ سے بچھڑے کاجل کو تحریر بنانے والے
آنکھ سے بچھڑے کاجل کو تحریر بنانے والے
مشکل میں پڑ جائیں گے تصویر بنانے والے
یہ دیوانہ پن تو رہے گا دشت کے ساتھ سفر میں
سائے میں سو جائیں گے زنجیر بنانے والے
اس نے تو دیکھے ان دیکھے خواب سبھی لوٹائے
اور تھے شاید ٹوٹی ہوئی تعبیر بنانے والے
سونے کی دیوار سے آگے میرے کام نہ آئے
سچے جذبے مٹی کو اکسیر بنانے والے
جزو شعر نہیں ہیں قاصرؔ جزو جاں کر ڈالے
ہم کو جتنے درد ملے تھے میرؔ بنانے والے
غلام محمد قاصر
Aankh se bichhde kajal ko tehreer banane wale
Aankh se bichhde kajal ko tehreer banane wale
Mushkil mein pad jaenge tasveer banane wale
Yeh deewanapan to rahega dasht ke saath safar mein
Saye mein so jaenge zanjeer banane wale
Us ne to dekhe un dekhe khwab sabhi lautaye
Aur the shayad tooti hui ta'abeer banane wale
Sone ki deewar se aage mere kaam na aaye
Sacche jazbe mitti ko ikseer banane wale
Juzv-e-sher nahin hain Qasir juzv-e-jaan kar daale
Hum ko jitne dard mile the Meer banane wale
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں