دعا اور بد دعا کے درمیاں — غلام محمد قاصر
شاعر
دعا اور بد دعا کے درمیاں
دعا اور بد دعا کے درمیاں جب رابطے کا پل نہیں ٹوٹا
تو میں کس طرح پہنچا بددعائیں دینے والوں میں
میں ان کی ہمنوائی پر ہوا مامور
ہم آواز ہوں ان کا
کہ جن کے نامۂ اعمال میں ان بد دعاؤں کے سوا کچھ بھی نہیں
ان کے کہے پر آج تک بادل نہیں برسے
کبھی موسم نہیں بدلے
کوئی طوفاں، کوئی سیلاب ان کی آرزوؤں سے نہیں پلٹا
یہ ناداں، سارے مقتولوں کی فہرستیں اٹھائے آسماں کو دیکھتے ہیں
اور سمجھتے ہیں کہ دنیا ان کے نام اور شکل و صورت بھول جائے گی
وگرنہ قاتلوں کو خودکشی کرنا پڑے گی
اور یہ اتنے بہادر بھی نہیں ہوتے
تو جب تک آسمانوں اور ہمارے درمیاں حائل
ہجوم قاتلاں چھٹتا نہیں ہٹتا نہیں پردہ
دعا اور بد دعا کے لفظ ہم معنی رہیں گے
اب دعائے زندگی قاتل کو دیں
یا بد دعا خود کو
غلام محمد قاصر
Dua aur Bad Dua ke Darmiyan
Dua aur bad dua ke darmiyan jab rabte ka pul nahin toota
To main kis tarah pahuncha bad-duaen dene walon mein
Main un ki hamnawai par hua mamoor
Hum aawaz hoon un ka
Ke jin ke nama-e-aamaal mein in bad-duaon ke siwa kuch bhi nahin
Un ke kahe par aaj tak badal nahin barse
Kabhi mausam nahin badle
Koi toofan, koi sailab un ki aarzuon se nahin palta
Yeh nadaan, saare maqtoolon ki fehristen uthaye aasman ko dekhte hain
Aur samajhte hain ke duniya un ke naam aur shakal-o-surat bhool jaayegi
Wagarna qatilon ko khudkushi karna padegi
Aur yeh itne bahadur bhi nahin hote
To jab tak aasmanon aur hamare darmiyan haail
Hajoom-e-qatilan chhut'ta nahin hatta nahin parda
Dua aur bad dua ke lafz hum maani rahenge
Ab dua-e-zindagi qatil ko dein
Ya bad dua khud ko
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں