’’اٹلانٹک سٹی‘‘ — غلام محمد قاصر
شاعر
’’اٹلانٹک سٹی‘‘
زمین نور و نغمہ پر
خدائے رنگ کے بکھرے ہوئے جلووں کو پہچانیں
اسے سمجھیں۔ اسے جانیں
یقیں آ جائے تو مانیں
یہاں تو کہکشاں مٹھی میں ہے
لعل و جواہر پیرہن پر ہیں شعاعوں کے کئی دھبے ہر اک اجلے بدن پر ہیں
یہاں رنگیں مشینیں دائروں میں جھک کے ملتی ہیں
کسی سے روٹھ جاتے ہیں کسی کے ساتھ چلتے ہیں
یہاں کے سامری گویائی لے لیتے ہیں
اور پلکوں پہ حیرت کے دریچے کھول دیتے ہیں
یہاں ہر نفع کے خانے میں پوشیدہ خسارہ ہے
فسوں کم ہو تو پھر باہر کا ہر منظر ہمارا ہے
جسے ہم چاند سمجھے ہیں بھٹکتا سا ستارہ ہے
یہی سورج سے جیتا ہے یہی جگنو سے ہارا ہے
یہ فطرت کا اشارہ ہے
چلو تنویر شاہ! اٹھو
غلام محمد قاصر
''Atlantic City''
Zameen noor o naghma par
Khuda-e-rang ke bikhre hue jalwon ko pehchanen
Use samjhein. Use janen
Yaqeen aa jaye toh manen
Yahan toh kahkashan mutthi mein hai
La'l o jawahar pairahan par hain shua'on ke kai dhabbe har ik ujle badan par hain
Yahan rangeen mashinen dairon mein jhuk ke milti hain
Kisi se rooth jate hain kisi ke saath chalte hain
Yahan ke saamri goyaayi le lete hain
Aur palkon pe hairat ke dareeche khol dete hain
Yahan har nafa' ke khaane mein posheeda khasaara hai
Fasoon kam ho toh phir baahar ka har manzar hamara hai
Jise hum chand samjhe hain bhatakta sa sitara hai
Yehi suraj se jeeta hai yehi jugnu se haara hai
Yeh fitrat ka ishaara hai
Chalo Tanveer Shah! Utho
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں