اکیلا دن ہے کوئی اور نہ تنہا رات ہوتی ہے — غلام محمد قاصر
شاعر
اکیلا دن ہے کوئی اور نہ تنہا رات ہوتی ہے
اکیلا دن ہے کوئی اور نہ تنہا رات ہوتی ہے
میں جس پل سے گزرتا ہوں محبت ساتھ ہوتی ہے
تری آواز کو اس شہر کی لہریں ترستی ہیں
غلط نمبر ملاتا ہوں تو پہروں بات ہوتی ہے
سروں پر خوف رسوائی کی چادر تان لیتے ہو
تمہارے واسطے رنگوں کی جب برسات ہوتی ہے
کہیں چڑیاں چہکتی ہیں کہیں کلیاں چٹکتی ہیں
مگر میرے مکاں سے آسماں تک رات ہوتی ہے
کسے آباد سمجھوں کس کا شہر آشوب لکھوں میں
جہاں شہروں کی یکساں صورت حالات ہوتی ہے
غلام محمد قاصر
Akela din hai koi aur na tanha raat hoti hai
Akela din hai koi aur na tanha raat hoti hai
Main jis pal se guzarta hun mohabbat saath hoti hai
Teri awaz ko is shahr ki lahrein tarasti hain
Ghalat number milata hun to pahron baat hoti hai
Saron par khauf-e-ruswai ki chadar taan lete ho
Tumhare waste rangon ki jab barsat hoti hai
Kahin chiriyan chehakti hain kahin kaliyan chatakti hain
Magar mere makan se asman tak raat hoti hai
Kise abad samjhun kis ka shahr-e-ashob likhun main
Jahan shahron ki yaksan surat-e-halat hoti hai
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں