اپنے اشعار کو رسوا سر بازار کروں — غلام محمد قاصر
شاعر
اپنے اشعار کو رسوا سر بازار کروں
اپنے اشعار کو رسوا سر بازار کروں
کیسے ممکن ہے کہ میں مدحت دربار کروں
دل میں مقتول کی تصویر لیے پھرتا ہوں
اور قاتل سے عقیدت کا بھی اظہار کروں
یہی منشور محبت ہے کہ وہ پیکر ظلم
جس کو نفرت سے نوازے میں اسے پیار کروں
اب مرے شہر کی پہچان ہے اک وعدہ شکن
شہریت بدلوں کہ تاریخ کا انکار کروں
رات بھر جاگ کے تعمیر کروں قصر امید
صبح تکمیل سے پہلے اسے مسمار کروں
غلام محمد قاصر
Apne ash'aar ko ruswa sar-e-bazaar karoon
Apne ash'aar ko ruswa sar-e-bazaar karoon
Kaise mumkin hai ke main madhat-e-darbaar karoon
Dil mein maqtool ki tasveer liye phirta hoon
Aur qaatil se aqeedat ka bhi izhaar karoon
Yehi manshoor-e-mohabbat hai ke woh paikar-e-zulm
Jis ko nafrat se nawaze main use pyar karoon
Ab mere shahar ki pehchaan hai ek waada-shikan
Shahriyat badloon ke tareekh ka inkaar karoon
Raat bhar jaag ke ta'meer karoon qasr-e-ummeed
Subh takmeel se pehle use mismaar karoon
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں