بغیر اس کے اب آرام بھی نہیں آتا — غلام محمد قاصر
شاعر
بغیر اس کے اب آرام بھی نہیں آتا
بغیر اس کے اب آرام بھی نہیں آتا
وہ شخص جس کا مجھے نام بھی نہیں آتا
اسی کی شکل مجھے چاند میں نظر آئے
وہ ماہ رخ جو لب بام بھی نہیں آتا
کروں گا کیا جو محبت میں ہو گیا ناکام
مجھے تو اور کوئی کام بھی نہیں آتا
بٹھا دیا مجھے دریا کے اس کنارے پر
جدھر حباب تہی جام بھی نہیں آتا
چرا کے خواب وہ آنکھوں کو رہن رکھتا ہے
اور اس کے سر کوئی الزام بھی نہیں آتا
غلام محمد قاصر
Bagair us ke ab aaram bhi nahin aata
Bagair us ke ab aaram bhi nahin aata
Woh shakhs jis ka mujhe naam bhi nahin aata
Usi ki shakal mujhe chand mein nazar aaye
Woh mah-rukh jo lab-e-baam bhi nahin aata
Karunga kya jo mohabbat mein ho gaya nakaam
Mujhe to aur koi kaam bhi nahin aata
Bitha diya mujhe darya ke us kinare par
Jidhar habab-e-tahi jaam bhi nahin aata
Chura ke khwab woh aankhon ko rehan rakhta hai
Aur us ke sir koi ilzam bhi nahin aata
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں