بن میں ویراں تھی نظر شہر میں دل روتا ہے — غلام محمد قاصر
شاعر
بن میں ویراں تھی نظر شہر میں دل روتا ہے
بن میں ویراں تھی نظر شہر میں دل روتا ہے
زندگی سے یہ مرا دوسرا سمجھوتا ہے
لہلہاتے ہوئے خوابوں سے مری آنکھوں تک
رت جگے کاشت نہ کر لے تو وہ کب سوتا ہے
جس کو اس فصل میں ہونا ہے برابر کا شریک
میرے احساس میں تنہائیاں کیوں بوتا ہے
نام لکھ لکھ کے ترا پھول بنانے والا
آج پھر شبنمیں آنکھوں سے ورق دھوتا ہے
تیرے بخشے ہوئے اک غم کا کرشمہ ہے کہ اب
جو بھی غم ہو مرے معیار سے کم ہوتا ہے
سو گئے شہر محبت کے سبھی داغ و چراغ
ایک سایہ پس دیوار ابھی روتا ہے
یہ بھی اک رنگ ہے شاید مری محرومی کا
کوئی ہنس دے تو محبت کا گماں ہوتا ہے
غلام محمد قاصر
Ban mein veeran thi nazar shahr mein dil rota hai
Ban mein veeran thi nazar shahr mein dil rota hai
Zindagi se yeh mera doosra samjhauta hai
Lehlahate hue khwabon se meri aankhon tak
Ratjage kaashat na kar le to woh kab sota hai
Jis ko is fasl mein hona hai barabar ka shareek
Mere ehsaas mein tanhaiyan kyon bota hai
Naam likh likh ke tera phool banane wala
Aaj phir shabnamin aankhon se varaq dhota hai
Tere bakhshe hue ik gham ka karishma hai ke ab
Jo bhi gham ho mere miyar se kam hota hai
So gaye shahr-e-mohabbat ke sabhi dagh-o-charagh
Ek saya pas-e-diwar abhi rota hai
Yeh bhi ik rang hai shayad meri mehroomi ka
Koi hans de to mohabbat ka guman hota hai
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں