بن سے فصیل شہر تک کوئی سوار بھی نہیں — غلام محمد قاصر
شاعر
بن سے فصیل شہر تک کوئی سوار بھی نہیں
بن سے فصیل شہر تک کوئی سوار بھی نہیں
کس کو بٹھائیں تخت پر گرد و غبار بھی نہیں
برگ و گل و طیور سب شاخوں کی سمت اڑ گئے
قصر جہاں پناہ میں نقش و نگار بھی نہیں
سایوں کی زد میں آ گئیں ساری غلام گردشیں
اب تو کنیز کے لیے راہ فرار بھی نہیں
میلے لباس کی دعا پہنچے شبیہ شاخ تک
شاہوں کے پائیں باغ میں ایسا مزار بھی نہیں
کل ہمہ تن جمال تھے آئنے حسب حال تھے
سنتے ہیں اب وہ خال و خد عکس کے پار بھی نہیں
غلام محمد قاصر
Ban se faseel-e-shehar tak koi sawar bhi nahin
Ban se faseel-e-shehar tak koi sawar bhi nahin
Kis ko bithaen takht par gard-o-ghubar bhi nahin
Barg-o-gul-o-tayyur sab shaakhon ki simt ud gaye
Qasr-e-jahan panah mein naqsh-o-nigaar bhi nahin
Sayon ki zad mein aa gaien saari ghulam gardishen
Ab to kaniz ke liye raah-e-faraar bhi nahin
Maile libas ki dua pahuche shabeeh-e-shaakh tak
Shahon ke payein bagh mein aisa mazar bhi nahin
Kal hama tan jamal the aaine hasb-e-haal the
Sunte hain ab woh khaal-o-khad aks ke paar bhi nahin
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں