بارود کے بدلے ہاتھوں میں آ جائے کتاب تو اچھا ہو — غلام محمد قاصر
شاعر
بارود کے بدلے ہاتھوں میں آ جائے کتاب تو اچھا ہو
بارود کے بدلے ہاتھوں میں آ جائے کتاب تو اچھا ہو
اے کاش ہماری آنکھوں کا اکیسواں خواب تو اچھا ہو
ہر پتا نا آسودہ ہے ماحول چمن آلودہ ہے
رہ جائیں لرزتی شاخوں پر دو چار گلاب تو اچھا ہو
یوں شور کا دریا بپھرا ہے چڑیوں نے چہکنا چھوڑ دیا
خطرے کے نشان سے نیچے اب اترے سیلاب تو اچھا ہو
ہر سال کی آخری شاموں میں دو چار ورق اڑ جاتے ہیں
اب اور نہ بکھرے رشتوں کی بوسیدہ کتاب تو اچھا ہو
ہر بچہ آنکھیں کھولتے ہی کرتا ہے سوال محبت کا
دنیا کے کسی گوشے سے اسے مل جائے جواب تو اچھا ہو
غلام محمد قاصر
Barood ke badle hathon mein aa jaaye kitab to achha ho
Barood ke badle hathon mein aa jaaye kitab to achha ho
Aye kaash hamari aankhon ka ikkiswan khwab to achha ho
Har patta na-aasoodeh hai mahol-e-chaman aalooda hai
Reh jaayen larazti shaakhon par do chaar gulab to achha ho
Yun shor ka darya biphra hai chiriyon ne chehakna chhod diya
Khatre ke nishan se neeche ab utre sailab to achha ho
Har saal ki akhiri shamon mein do chaar varaq ud jaate hain
Ab aur na bikhre rishton ki boseeda kitab to achha ho
Har bachcha aankhen kholte hi karta hai sawal mohabbat ka
Duniya ke kisi goshe se use mil jaaye jawab to achha ho
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں