بیاباں دور تک میں نے سجایا تھا — غلام محمد قاصر
شاعر
بیاباں دور تک میں نے سجایا تھا
بیاباں دور تک میں نے سجایا تھا
مگر وہ شہر کے رستے سے آیا تھا
دیئے کی آرزو کو جب بجھایا تھا
پھر اس کے بعد آہٹ تھی نہ سایہ تھا
اسے جب دیکھنے کے بعد دیکھا تو
وہ خود بھی دل ہی دل میں مسکرایا تھا
دل و دیوار تھے اک نام کی زد پر
کہیں لکھا کہیں میں نے مٹایا تھا
ہزاروں اس میں رہنے کے لیے آئے
مکاں میں نے تصور میں بنایا تھا
جہاں نے مجھ کو پہلے ہی خبر کر دی
کبوتر دیر سے پیغام لایا تھا
چلے ملاح کشتی گیت امیدیں
کہ جیسے سب کو ساحل نے بلایا تھا
غلام محمد قاصر
Bayaban door tak main ne sajaya tha
Bayaban door tak main ne sajaya tha
Magar woh shehr ke raste se aaya tha
Diye ki aarzoo ko jab bujhaya tha
Phir us ke baad aahat thi na saya tha
Use jab dekhne ke baad dekha to
Woh khud bhi dil hi dil mein muskuraya tha
Dil-o-deewar the ik naam ki zad par
Kahin likha kahin main ne mitaya tha
Hazaron us mein rehne ke liye aaye
Makaan main ne tasawwur mein banaya tha
Jahan ne mujh ko pehle hi khabar kar di
Kabootar der se paigham laaya tha
Chale mallah kashti geet ummeedein
Ke jaise sab ko sahil ne bulaya tha
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں