گلیوں کی اداسی پوچھتی ہے گھر کا سناٹا کہتا ہے — غلام محمد قاصر
شاعر
گلیوں کی اداسی پوچھتی ہے گھر کا سناٹا کہتا ہے
گلیوں کی اداسی پوچھتی ہے گھر کا سناٹا کہتا ہے
اس شہر کا ہر رہنے والا کیوں دوسرے شہر میں رہتا ہے
اک خواب نما بیداری میں جاتے ہوئے اس کو دیکھا تھا
احساس کی لہروں میں اب تک حیرت کا سفینہ بہتا ہے
پھر جسم کے منظر نامے میں سوئے ہوئے رنگ نہ جاگ اٹھیں
اس خوف سے وہ پوشاک نہیں بس خواب بدلتا رہتا ہے
چھ دن تو بڑی سچائی سے سانسوں نے پیام رسانی کی
آرام کا دن ہے کس سے کہیں دل آج جو صدمے سہتا ہے
ہر عہد نے زندہ غزلوں کے کتنے ہی جہاں آباد کیے
پر تجھ کو دیکھ کے سوچتا ہوں اک شعر ابھی تک رہتا ہے
غلام محمد قاصر
Galiyon ki udasi poochhti hai ghar ka sannata kehta hai
Galiyon ki udasi poochhti hai ghar ka sannata kehta hai
Is shahr ka har rehne wala kyon doosre shahr mein rehta hai
Ik khwab numa bedari mein jaate hue us ko dekha tha
Ehsaas ki lehron mein ab tak hairat ka safina behta hai
Phir jism ke manzar naame mein soye hue rang na jaag uthein
Is khauf se woh poshak nahin bas khwab badalta rehta hai
Chhe din to badi sachchai se sanson ne payam-rasani ki
Aaram ka din hai kis se kahen dil aaj jo sadme sehta hai
Har ahad ne zinda ghazlon ke kitne hi jahan abad kiye
Par tujh ko dekh ke sochta hun ik sher abhi tak rehta hai
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں