گلابوں کے نشیمن سے مرے محبوب کے سر تک — غلام محمد قاصر
شاعر
گلابوں کے نشیمن سے مرے محبوب کے سر تک
گلابوں کے نشیمن سے مرے محبوب کے سر تک
سفر لمبا تھا خوشبو کا مگر آ ہی گئی گھر تک
وفا کی سلطنت اقلیم وعدہ سر زمین دل
نظر کی زد میں ہے خوابوں سے تعبیروں کے کشور تک
کہیں بھی سرنگوں ہوتا نہیں اخلاص کا پرچم
جدائی کے جزیرے سے محبت کے سمندر تک
محبت اے محبت ایک جذبے کی مسافت ہے
مرے آوارہ سجدے سے تری چوکھٹ کے پتھر تک
اداسی مو قلم ہے نقش میں رنگ ملال ابھرا
تمناؤں کے پس منظر سے دل کے پیش منظر تک
غلام محمد قاصر
Gulaabon ke nasheman se mere mehboob ke sar tak
Gulaabon ke nasheman se mere mehboob ke sar tak
Safar lamba tha khushboo ka magar aa hi gayi ghar tak
Wafa ki saltanat-e-iqleem-e-waada sar-zameen-e-dil
Nazar ki zad mein hai khwabon se ta'beeron ke kishwar tak
Kahin bhi sar-nigoon hota nahin ikhlaas ka parcham
Judayi ke jazere se mohabbat ke samandar tak
Mohabbat ae mohabbat ek jazbe ki musafat hai
Mere aawara sajde se teri chaukhat ke patthar tak
Udaasi moo-qalam hai naqsh mein rang-e-malaal ubhra
Tamannaon ke pas-manzar se dil ke pesh-manzar tak
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں