ہر ایک پل کی اداسی کو جانتا ہے تو آ — غلام محمد قاصر
شاعر
ہر ایک پل کی اداسی کو جانتا ہے تو آ
ہر ایک پل کی اداسی کو جانتا ہے تو آ
مرے وجود کو تو دل سے مانتا ہے تو آ
وفا کے شہر میں اب لوگ جھوٹ بولتے ہیں
تو آ رہا ہے مگر سچ کو مانتا ہے تو آ
مرے دیئے نے اندھیرے سے دوستی کر لی
مجھے تو اپنے اجالے میں جانتا ہے تو آ
حیات صرف ترے موتیوں کا نام نہیں
دلوں کی بکھری ہوئی خاک چھانتا ہے تو آ
تو میرے گاؤں کے حصے کی چھاؤں بھی لے جا
مگر بدن پہ کبھی دھوپ تانتا ہے تو آ
غلام محمد قاصر
Har ek pal ki udasi ko jaanta hai tu aa
Har ek pal ki udasi ko jaanta hai tu aa
Mere wajood ko tu dil se maanta hai tu aa
Wafa ke shehr mein ab log jhoot bolte hain
Tu aa raha hai magar sach ko maanta hai tu aa
Mere diye ne andhere se dosti kar li
Mujhe tu apne ujale mein jaanta hai tu aa
Hayat sirf tere motiyon ka naam nahin
Dilon ki bikhri hui khaak chhaanta hai tu aa
Tu mere gaon ke hisse ki chhaon bhi le ja
Magar badan pe kabhi dhoop taanta hai tu aa
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں