کہیں لوگ تنہا کہیں گھر اکیلے — غلام محمد قاصر
شاعر
کہیں لوگ تنہا کہیں گھر اکیلے
کہیں لوگ تنہا کہیں گھر اکیلے
کہاں تک میں دیکھوں یہ منظر اکیلے
گلی میں ہواؤں کی سرگوشیاں ہیں
گھروں میں مگر سب صنوبر اکیلے
نمائش ہزاروں نگاہوں نے دیکھی
مگر پھول پہلے سے بڑھ کر اکیلے
اب اک تیر بھی ہو لیا ساتھ ورنہ
پرندہ چلا تھا سفر پر اکیلے
جو دیکھو تو اک لہر میں جا رہے ہیں
جو سوچو تو سارے شناور اکیلے
تری یاد کی برف باری کا موسم
سلگتا رہا دل کے اندر اکیلے
ارادہ تھا جی لوں گا تجھ سے بچھڑ کر
گزرتا نہیں اک دسمبر اکیلے
زمانے سے قاصرؔ خفا تو نہیں ہیں
کہ دیکھے گئے ہیں وہ اکثر اکیلے
غلام محمد قاصر
Kahin log tanha kahin ghar akele
Kahin log tanha kahin ghar akele
Kahan tak mein dekhun yeh manzar akele
Gali mein hawaon ki sargoshiyan hain
Gharon mein magar sab sanobar akele
Numaish hazaron nigahon ne dekhi
Magar phool pehle se badh kar akele
Ab ik teer bhi ho liya saath varna
Parinda chala tha safar par akele
Jo dekho to ik lehar mein ja rahe hain
Jo socho to saare shanawar akele
Teri yaad ki barf bari ka mausam
Sulagta raha dil ke andar akele
Irada tha jee loonga tujh se bichhad kar
Guzarta nahin ik December akele
Zamaane se Qasirؔ khafa to nahin hain
Ke dekhe gaye hain woh aksar akele
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں