خاموش تھے تم اور بولتا تھا بس ایک ستارہ آنکھوں میں — غلام محمد قاصر
شاعر
خاموش تھے تم اور بولتا تھا بس ایک ستارہ آنکھوں میں
خاموش تھے تم اور بولتا تھا بس ایک ستارہ آنکھوں میں
میں کیسے نہ رکتا چلنے لگا جب سرخ اشارہ آنکھوں میں
منظر میں کناروں سے باہر دریائے محبت بہتا ہے
اور پس منظر میں نیلے سے آنچل کا کنارا آنکھوں میں
ہر سال بہار سے پہلے میں پانی پر پھول بناتا ہوں
پھر چاروں موسم لکھ جاتے ہیں نام تمہارا آنکھوں میں
اب کہنے والے کہتے ہیں اس شہر میں رات نہیں ہوتی
اک ایسا ہی دن تھا وہ چہرہ جب میں نے اتارا آنکھوں میں
سوچا ہے تمہاری آنکھوں سے اب میں ان کو ملوا ہی دوں
کچھ خواب جو ڈھونڈتے پھرتے ہیں جینے کا سہارا آنکھوں میں
غلام محمد قاصر
Khamosh the tum aur bolta tha bas ek sitara aankhon mein
Khamosh the tum aur bolta tha bas ek sitara aankhon mein
Main kaise na rukta chalne laga jab surkh ishaara aankhon mein
Manzar mein kinaaron se baahar darya-e-mohabbat behta hai
Aur pas-manzar mein neele se aanchal ka kinara aankhon mein
Har saal bahaar se pehle main paani par phool banata hoon
Phir chaaron mausam likh jaate hain naam tumhara aankhon mein
Ab kehne waale kehte hain is shahar mein raat nahin hoti
Ek aisa hi din tha woh chehra jab main ne utara aankhon mein
Socha hai tumhari aankhon se ab main un ko milwa hi doon
Kuchh khwab jo dhoondhte phirte hain jeene ka sahara aankhon mein
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں