کچھ بے ترتیب ستاروں کو پلکوں نے کیا تسخیر تو کیا — غلام محمد قاصر
شاعر
کچھ بے ترتیب ستاروں کو پلکوں نے کیا تسخیر تو کیا
کچھ بے ترتیب ستاروں کو پلکوں نے کیا تسخیر تو کیا
وہ شخص نظر بھر رک نہ سکا احساس تھا دامن گیر تو کیا
کچھ بنتے مٹتے دائرے سے اک شکل ہزاروں تصویریں
سب نقش و نگار عروج پہ تھے آنکھیں تھیں زوال پذیر تو کیا
خوش ہوں کہ کسی کی محفل میں ارزاں تھی متاع بیداری
اب آنکھیں ہیں بے خواب تو کیا اب خواب ہیں بے تعبیر تو کیا
خواہش کے مسافر تو اب تک تاریکئ جاں میں چلتے ہیں
اک دل کے نہاں خانے میں کہیں جلتی ہے شمع ضمیر تو کیا
صحرائے تمنا میں جس کے جینے کا جواز ہی جھونکے ہوں
اس ریت کے ذروں نے مل کر اک نام کیا تحریر تو کیا
لکھتا ہوں تو پوروں سے دل تک اک چاندنی سی چھا جاتی ہے
قاصرؔ وہ ہلال حرف کبھی ہو پائے نہ ماہ منیر تو کیا
غلام محمد قاصر
Kuch be-tarteeb sitaron ko palkon ne kiya taskheer to kya
Kuch be-tarteeb sitaron ko palkon ne kiya taskheer to kya
Woh shakhs nazar bhar ruk na saka ehsas tha daman-geer to kya
Kuch bante mitte daaire se ek shakal hazaron tasveerain
Sab naqsh-o-nigaar urooj pe the aankhen theen zawal-pazeer to kya
Khush hoon ke kisi ki mehfil mein arzan thi mata-e-bedari
Ab aankhen hain be-khwab to kya ab khwab hain be-ta'abeer to kya
Khwahish ke musafir to ab tak tareeki-e-jaan mein chalte hain
Ek dil ke nihan-khane mein kahin jalti hai shama-e-zameer to kya
Sehra-e-tamanna mein jis ke jeene ka jawaz hi jhonke hon
Is ret ke zarron ne mil kar ek naam kiya tehreer to kya
Likhta hoon to poron se dil tak ek chandni si chha jaati hai
Qasir woh hilal-e-harf kabhi ho paye na mah-e-munir to kya
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں