ملنے کی ہر آس کے پیچھے ان دیکھی مجبوری تھی — غلام محمد قاصر
شاعر
ملنے کی ہر آس کے پیچھے ان دیکھی مجبوری تھی
ملنے کی ہر آس کے پیچھے ان دیکھی مجبوری تھی
راہ میں دشت نہیں پڑتا تھا چار گھروں کی دوری تھی
جذبوں کا دم گھٹنے لگا ہے لفظوں کے انبار تلے
پہلے نشاں زد کر لینا تھا جتنی بات ضروری تھی
تیری شکل کے ایک ستارے نے پل بھر سرگوشی کی
شاید ماہ و سال وفا کی بس اتنی مزدوری تھی
پیار گیا تو کیسے ملتے رنگ سے رنگ اور خواب سے خواب
ایک مکمل گھر کے اندر ہر تصویر ادھوری تھی
ایک غزال کو دور سے دیکھا اور غزل تیار ہوئی
سہمے سہمے سے لفظوں میں ہلکی سی کستوری تھی
غلام محمد قاصر
Milne ki har aas ke peechhe un dekhi majboori thi
Milne ki har aas ke peechhe un dekhi majboori thi
Raah mein dasht nahin padta tha chaar gharon ki doori thi
Jazbon ka dam ghutne laga hai lafzon ke ambaar tale
Pehle nishan zad kar lena tha jitni baat zaroori thi
Teri shakal ke ek sitare ne pal bhar sargoshi ki
Shayad mah-o-saal-e-wafa ki bas itni mazdoori thi
Pyaar gaya to kaise milte rang se rang aur khwab se khwab
Ek mukammal ghar ke andar har tasveer adhoori thi
Ek ghazal ko door se dekha aur ghazal taiyyar hui
Sehme sehme se lafzon mein halki si kasturi thi
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں