محبت کی گواہی اپنے ہونے کی خبر لے جا — غلام محمد قاصر
شاعر
محبت کی گواہی اپنے ہونے کی خبر لے جا
محبت کی گواہی اپنے ہونے کی خبر لے جا
جدھر وہ شخص رہتا ہے مجھے اے دل! ادھر لے جا
سجی ہے بزم شبنم تو تبسم کام آئے گا
تعارف پھول کا درپیش ہے تو چشم تر لے جا
اندھیرے میں گیا وہ روشنی میں لوٹ آئے گا
دیا جو دل میں جلتا ہے اسی کو بام پر لے جا
اڑانوں آسمانوں آشیانوں کے لیے طائر!
یہ پر ٹوٹے ہوئے میرے یہ معیار نظر لے جا
زمانوں کو اڑانیں برق کو رفتار دیتا تھا
مگر مجھ سے کہا ٹھہرے ہوئے شام و سحر لے جا
کوئی منہ پھیر لیتا ہے تو قاصرؔ اب شکایت کیا
تجھے کس نے کہا تھا آئنے کو توڑ کر لے جا
غلام محمد قاصر
Mohabbat ki gawahi apne hone ki khabar le ja
Mohabbat ki gawahi apne hone ki khabar le ja
Jidhar woh shakhs rehta hai mujhe ae dil! Udhar le ja
Saji hai bazm-e-shabnam tu tabassum kaam aaye ga
Ta'aruf phool ka darpesh hai tu chashm-e-tar le ja
Andhere mein gaya woh roshni mein laut aaye ga
Diya jo dil mein jalta hai usi ko baam par le ja
Udaanon aasmanon aashiyanon ke liye taair!
Yeh par toote hue mere yeh mi'yaar-e-nazar le ja
Zamanon ko udaanein barq ko raftaar deta tha
Magar mujh se kaha thehre hue shaam-o-sehar le ja
Koi munh pher leta hai tu Qasir ab shikayat kya
Tujhe kis ne kaha tha aaine ko tod kar le ja
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں