پہلے اک شخص میری ذات بنا — غلام محمد قاصر
شاعر
پہلے اک شخص میری ذات بنا
پہلے اک شخص میری ذات بنا
اور پھر پوری کائنات بنا
حسن نے خود کہا مصور سے
پاؤں پر میرے کوئی ہاتھ بنا
پیاس کی سلطنت نہیں مٹتی
لاکھ دجلے بنا فرات بنا
غم کا سورج وہ دے گیا تجھ کو
چاہے اب دن بنا کہ رات بنا
شعر اک مشغلہ تھا قاصرؔ کا
اب یہی مقصد حیات بنا
غلام محمد قاصر
Pehle ik shakhs meri zaat bana
Pehle ik shakhs meri zaat bana
Aur phir poori kainat bana
Husn ne khud kaha musawwir se
Paon par mere koi haath bana
Piyas ki saltanat nahin mitti
Lakh Dajla o Furaat bana
Gham ka suraj woh de gaya tujh ko
Chaahe ab din bana ke raat bana
Sher ik mashghala tha Qasirؔ ka
Ab yehi maqsad-e-hayat bana
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں