پھر تو اس بے نام سفر میں کچھ بھی نہ اپنے پاس رہا — غلام محمد قاصر
شاعر
پھر تو اس بے نام سفر میں کچھ بھی نہ اپنے پاس رہا
پھر تو اس بے نام سفر میں کچھ بھی نہ اپنے پاس رہا
تیری سمت چلا ہوں جب تک سمتوں کا احساس رہا
تیری گلی میں ٹوٹ گئے سب جرم و سزا کے پیمانے
ایک تبسم دیکھنے والا ساری عمر اداس رہا
گلچیں کے چہرے کی رنگت روز بدلتی رہتی تھی
رنج و خوشی کے ہر موسم میں پھول کا ایک لباس رہا
جن کی درد بھری باتوں سے ایک زمانہ رام ہوا
قاصرؔ ایسے فن کاروں کی قسمت میں بن باس رہا
غلام محمد قاصر
Phir to is be-naam safar mein kuchh bhi na apne paas raha
Phir to is be-naam safar mein kuchh bhi na apne paas raha
Teri simt chala hoon jab tak simton ka ehsaas raha
Teri gali mein toot gaye sab jurm-o-saza ke paimaane
Ek tabassum dekhne wala saari umar udaas raha
Gulchheen ke chehre ki rangat roz badalti rehti thi
Ranj-o-khushi ke har mausam mein phool ka ek libaas raha
Jin ki dard bhari baaton se ek zamana raam hua
Qasir aise fun-kaaron ki qismat mein ban-baas raha
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں