پھر وہ دریا ہے کناروں سے چھلکنے والا — غلام محمد قاصر
شاعر
پھر وہ دریا ہے کناروں سے چھلکنے والا
پھر وہ دریا ہے کناروں سے چھلکنے والا
شہر میں کوئی نہیں آنکھ جھپکنے والا
جس سے ہر شاخ پہ پھوٹی ترے آنے کی مہک
آم کے پیڑ پہ وہ بور ہے پکنے والا
یوں تو آنگن میں چراغوں کی فراوانی ہے
بجھتا جاتا ہے وہ اک نام چمکنے والا
پھر کہانی میں نشانی کی طرح چھوڑ گیا
دل کی دہلیز پہ اک درد دھڑکنے والا
ہجر ٹکسال میں ڈھالے گا غزل کے سکے
تیری محفل میں کبھی بول نہ سکنے والا
غلام محمد قاصر
Phir woh darya hai kinaron se chhalakne wala
Phir woh darya hai kinaron se chhalakne wala
Shahar mein koi nahin aankh jhapakne wala
Jis se har shaakh pe phooti tere aane ki mehak
Aam ke ped pe woh bor hai pakne wala
Yoon to aangan mein charaghon ki farawani hai
Bujhta jaata hai woh ek naam chamakne wala
Phir kahani mein nishani ki tarah chhod gaya
Dil ki dehleez pe ek dard dhadakne wala
Hijr taksaal mein dhaale ga ghazal ke sikke
Teri mahfil mein kabhi bol na sakne wala
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں