پھر وہی کہنے لگے تو مرے گھر آیا تھا — غلام محمد قاصر
شاعر
پھر وہی کہنے لگے تو مرے گھر آیا تھا
پھر وہی کہنے لگے تو مرے گھر آیا تھا
چاند جن چار گواہوں کو نظر آیا تھا
رنگ پھولوں نے چنے آپ سے ملتے جلتے
اور بتاتے بھی نہیں کون ادھر آیا تھا
بوند بھی تشنہ ابابیل پہ نازل نہ ہوئی
ورنہ بادل تو بلندی سے اتر آیا تھا
تو نے دیکھا ہی نہیں ورنہ وفا کا مجرم
اپنی آنکھیں تری دہلیز پہ دھر آیا تھا
بھول بیٹھے ہیں نئے خواب کی سرشاری میں
اس سے پہلے بھی تو اک خواب نظر آیا تھا
غلام محمد قاصر
Phir wohi kehne lage tu mere ghar aaya tha
Phir wohi kehne lage tu mere ghar aaya tha
Chand jin chaar gawaahon ko nazar aaya tha
Rang phoolon ne chune aap se milte julte
Aur batate bhi nahin kaun idhar aaya tha
Boond bhi tishna ababeel pe naazil na hui
Warna baadal to bulandi se utar aaya tha
Tu ne dekha hi nahin warna wafa ka mujrim
Apni aankhen teri dehleez pe dhar aaya tha
Bhool baithe hain naye khwab ki sarshari mein
Is se pehle bhi to ek khwab nazar aaya tha
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں