رات کا ہر اک منظر رنجشوں سے بوجھل تھا — غلام محمد قاصر
شاعر
رات کا ہر اک منظر رنجشوں سے بوجھل تھا
رات کا ہر اک منظر رنجشوں سے بوجھل تھا
چاند بھی ادھورا تھا میں بھی نامکمل تھا
آنکھ کی منڈیروں پر آرزو نہیں لرزی
اک چراغ کی لو سے اک چراغ اوجھل تھا
جا ملا ترے در کے گم شدہ زمانوں میں
میری عمر کا حاصل پیار کا جو اک پل تھا
کیوں سلگتی آوازیں بھیگ بھیگ جاتی تھیں
دشت نارسائی میں دھوپ تھی نہ بادل تھا
دور تو نہ تھا اتنا خیمہ اس کے خوابوں کا
راستے میں اپنی ہی خواہشوں کا جنگل تھا
غلام محمد قاصر
Raat ka har ek manzar ranjishon se bojhal tha
Raat ka har ek manzar ranjishon se bojhal tha
Chand bhi adhoora tha main bhi na-mukammal tha
Aankh ki munderon par aarzoo nahin larzi
Ek charagh ki lau se ek charagh ojhal tha
Ja mila tere dar ke gumshuda zamano mein
Meri umar ka hasil pyar ka jo ek pal tha
Kyun sulagti awaazen bheeg bheeg jaati thin
Dasht-e-na-rasayi mein dhoop thi na baadal tha
Door to na tha itna khema us ke khwabon ka
Raaste mein apni hi khwahishon ka jangal tha
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں