سب رنگ ناتمام ہوں ہلکا لباس ہو — غلام محمد قاصر
شاعر
سب رنگ ناتمام ہوں ہلکا لباس ہو
سب رنگ ناتمام ہوں ہلکا لباس ہو
شفاف پانیوں پہ کنول کا لباس ہو
اشکوں سے بن کے مرثیہ پہنا دیا گیا
اب زندگی کے تن پہ غزل کا لباس ہو
ہر ایک آدمی کو ملے خلعت بشر
ہر ایک جھونپڑی پہ محل کا لباس ہو
سن لے جو آنے والے زمانے کی آہٹیں
کیسے کہے کہ آج بھی کل کا لباس ہو
یا رب کسی صدی کے افق پر ٹھہر نہ جائے
اک ایسی صبح جس کا دھندلکا لباس ہو
اجلا رہے گا صرف محبت کے جسم پر
صدیوں کا پیرہن ہو کہ پل کا لباس ہو
غلام محمد قاصر
Sab rang na-tamam hon halka libaas ho
Sab rang na-tamam hon halka libaas ho
Shaffaf paaniyon pe kanwal ka libaas ho
Ashkon se ban ke marsiya pehna diya gaya
Ab zindagi ke tan pe ghazal ka libaas ho
Har ek aadmi ko mile khil'at-e-bashar
Har ek jhonpri pe mahal ka libaas ho
Sun le jo aane waale zamane ki aahatein
Kaise kahe ke aaj bhi kal ka libaas ho
Ya Rab kisi sadi ke ufaq par thahar na jaaye
Ek aisi subh jis ka dhundhalka libaas ho
Ujala rahega sirf mohabbat ke jism par
Sadiyon ka pairahan ho ke pal ka libaas ho
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں