سینہ مدفن بن جاتا ہے جیتے جاگتے رازوں کا — غلام محمد قاصر
شاعر
سینہ مدفن بن جاتا ہے جیتے جاگتے رازوں کا
سینہ مدفن بن جاتا ہے جیتے جاگتے رازوں کا
جانچنا زخموں کی گہرائی کام نہیں اندازوں کا
ساری چابیاں میرے حوالے کیں اور اس نے اتنا کہا
آٹھوں پہر حفاظت کرنا شہر ہے نو دروازوں کا
سامنے کی آواز سے میرے ہر اک رابطے میں حائل
دائیں بائیں پھیلا لشکر انجانی آوازوں کا
آنکھیں آگے بڑھنا چاہیں پیچھے رہ جاتی ہے نظر
پلکوں کی جھالر پہ نمایاں کام ستارہ سازوں کا
یوں تو ایک زمانہ گزرا دل دریا کو خشک ہوئے
پھر بھی کسی نے سراغ نہ پایا ڈوبے ہوئے جہازوں کا
غلام محمد قاصر
Seena madfan ban jaata hai jeete jagte raazon ka
Seena madfan ban jaata hai jeete jagte raazon ka
Janchana zakhmon ki gehrai kaam nahin andaazon ka
Saari chabiyan mere hawale keen aur us ne itna kaha
Aathon pehar hifazat karna shehar hai nau darwazon ka
Samne ki aawaz se mere har ek rabte mein haail
Daen baen phaila lashkar anjaani aawazon ka
Aankhen aage badhna chahen peeche reh jaati hai nazar
Palkon ki jhalar pe numayan kaam sitara saazon ka
Yun to ek zamana guzra dil darya ko khushk hue
Phir bhi kisi ne suragh na paya doobe hue jahazon ka
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں