سوتے ہیں وہ آئینہ لے کر خوابوں میں بال بناتے ہیں — غلام محمد قاصر
شاعر
سوتے ہیں وہ آئینہ لے کر خوابوں میں بال بناتے ہیں
سوتے ہیں وہ آئینہ لے کر خوابوں میں بال بناتے ہیں
سادہ سے پرندے کی خاطر کیا ریشمی جال بناتے ہیں
امید کی سوکھتی شاخوں سے سارے پتے جھڑ جائیں گے
اس خوف سے اپنی تصویریں ہم سال بہ سال بناتے ہیں
زخموں کو چھپانے کی خاطر کپڑے ہی بدلنا چھوڑ دیا
پوچھو تو سہی ہم کس کے لیے اپنا یہ حال بناتے ہیں
وہ بولتی آنکھیں ملتے ہی جھک جاتی ہیں خاموشی سے
ہم ان کے جواب سے پھر اپنا اک اور سوال بناتے ہیں
غلام محمد قاصر
Sote hain woh aainaa le kar khwabon mein baal banate hain
Sote hain woh aainaa le kar khwabon mein baal banate hain
Saada se parinde ki khaatir kya reshmi jaal banate hain
Umeed ki sookhti shaakhon se saare patte jhad jaayenge
Is khauf se apni tasveerein hum saal-ba-saal banate hain
Zakhmon ko chhupane ki khaatir kapde hi badalna chhod diya
Poochho to sahi hum kis ke liye apna yeh haal banate hain
Woh bolti aankhen milte hi jhuk jaati hain khamoshi se
Hum un ke jawab se phir apna ek aur sawal banate hain
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں