تضاد — غلام محمد قاصر
شاعر
تضاد
یزید نقشۂ جور و جفا بناتا ہے
حسین اس میں خط کربلا بناتا ہے
یزید موسم عصیاں کا لا علاج مرض
حسین خاک سے خاک شفا بناتا ہے
یزید کاخ کثافت کی ڈولتی بنیاد
حسین حسن کی حیرت سرا بناتا ہے
یزید تیز ہواؤں سے جوڑ توڑ میں گم
حسین سر پہ بہن کے ردا بناتا ہے
یزید لکھتا ہے تاریکیوں کو خط دن بھر
حسین شام سے پہلے دیا بناتا ہے
یزید آج بھی بنتے ہیں لوگ کوشش سے
حسین خود نہیں بنتا خدا بناتا ہے
غلام محمد قاصر
Tazaad
Yazeed naqsha-e-jaur-o-jafa banata hai
Hussain us mein khat-e-karbala banata hai
Yazeed mausam-e-isyian ka la-ilaaj marz
Hussain khaak se khaak-e-shifa banata hai
Yazeed kaakh-e-kasafat ki dolti bunyad
Hussain husn ki hairat-sara banata hai
Yazeed tez hawaon se jod tod mein gum
Hussain sar pe behan ke rida banata hai
Yazeed likhta hai tareekion ko khat din bhar
Hussain sham se pehle diya banata hai
Yazeed aaj bhi bante hain log koshish se
Hussain khud nahin banta Khuda banata hai
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں