وعدے یخ بستہ کمروں کے اندر گرتے ہیں — غلام محمد قاصر
شاعر
وعدے یخ بستہ کمروں کے اندر گرتے ہیں
وعدے یخ بستہ کمروں کے اندر گرتے ہیں
میرے صحن میں جھلسے ہوئے کبوتر گرتے ہیں
کہتے ہیں ان شاخوں پر پھل پھول بھی آتے تھے
اب تو پتے جھڑتے ہیں یا پتھر گرتے ہیں
خوں کے یہ دھارے ہم نے پہلی بار نہیں دیکھے
لیکن اب ان دریاؤں میں سمندر گرتے ہیں
سن لیتے ہیں سرگوشی کو چپ میں ڈھلتے ہوئے
چن لیتے ہیں تیر جو اپنے برابر گرتے ہیں
ذکر ہمارا ہونے لگا اب ایسا مثالوں میں
دریاؤں کے رخ پہ بنے گھر اکثر گرتے ہیں
جانے کیسے زلزلے ان آنکھوں میں آن بسے
پردہ اٹھنے لگتا ہے تو منظر گرتے ہیں
غلام محمد قاصر
Waade yakh basta kamron ke andar girte hain
Waade yakh basta kamron ke andar girte hain
Mere sehn mein jhulse hue kabootar girte hain
Kehte hain in shaakhon par phal phool bhi aate the
Ab to patte jhadte hain ya patthar girte hain
Khoon ke yeh dhaare hum ne pehli baar nahin dekhe
Lekin ab in daryaaon mein samandar girte hain
Sun lete hain sargoshi ko chup mein dhalte hue
Chun lete hain teer jo apne barabar girte hain
Zikr hamara hone laga ab aisa misalon mein
Daryaaon ke rukh pe bane ghar aksar girte hain
Jaane kaise zalzale in aankhon mein aan base
Parda uthne lagta hai to manzar girte hain
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں