یاد اشکوں میں بہا دی ہم نے — غلام محمد قاصر
شاعر
یاد اشکوں میں بہا دی ہم نے
یاد اشکوں میں بہا دی ہم نے
آ کہ ہر بات بھلا دی ہم نے
گلشن دل سے گزرنے کے لیے
غم کو رفتار صبا دی ہم نے
اب اسی آگ میں جلتے ہیں جسے
اپنے دامن سے ہوا دی ہم نے
دن اندھیروں کی طلب میں گزرا
رات کو شمع جلا دی ہم نے
رہگزر بجتی ہے پائل کی طرح
کس کی آہٹ کو صدا دی ہم نے
قصر معنی کے مکیں تھے پھر بھی
طے نہ کی لفظ کی وادی ہم نے
غم کی تشریح بہت مشکل تھی
اپنی تصویر دکھا دی ہم نے
غلام محمد قاصر
Yaad ashkon mein baha di hum ne
Yaad ashkon mein baha di hum ne
Aa ke har baat bhula di hum ne
Gulshan-e-dil se guzarne ke liye
Gham ko raftaar-e-saba di hum ne
Ab ussi aag mein jalte hain jise
Apne daman se hawa di hum ne
Din andheron ki talab mein guzra
Raat ko shama jala di hum ne
Rahguzar bajti hai payal ki tarah
Kis ki aahat ko sada di hum ne
Qasr-e-maani ke makeen the phir bhi
Tay na ki lafz ki wadi hum ne
Gham ki tashreeh bahut mushkil thi
Apni tasveer dikha di hum ne
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں