یہ جہاں نورد کی داستاں یہ فسانہ ڈولتے سائے کا — غلام محمد قاصر
شاعر
یہ جہاں نورد کی داستاں یہ فسانہ ڈولتے سائے کا
یہ جہاں نورد کی داستاں یہ فسانہ ڈولتے سائے کا
مرے سر بریدہ خیال ہیں کہ دھواں ہے سونی سرائے کا
وہ ہوا کا چپکے سے جھانکنا کسی بھولے بسرے مدار سے
کہیں گھر میں شہر کی ظلمتیں کہیں چھت پہ چاند کرائے کا
گل ماہ گھومتے چاک پر کف کوزہ گر سے پھسل گئی
کہ بساط گردش سال و سن یہی فرق اپنے پرائے کا
مرا نطق بھی ہے نگاہ بھی مری شاعری کا گواہ بھی
تری دوستی کے محاذ پر وہ لرزتا عکس کنائے کا
کہ اسی کے نام تک آئے تھے یہ صدا و صدق کے سلسلے
وہی شخص جس نے ترے لیے کیا قتل سوچتی رائے کا
غلام محمد قاصر
Yeh jahan-naward ki dastan yeh fasana dolte saaye ka
Yeh jahan-naward ki dastan yeh fasana dolte saaye ka
Mere sar-burida khayal hain ke dhuan hai sooni saraaye ka
Woh hawa ka chupke se jhankna kisi bhoole bisre madar se
Kahin ghar mein shehar ki zulmaten kahin chhat pe chand kiraye ka
Gul-e-mah ghoomte chaak par kaf-e-koza-gar se phisal gai
Ke bisat-e-gardish-e-saal-o-sin yahi farq apne paraye ka
Mera nutq bhi hai nigah bhi meri shayari ka gawah bhi
Teri dosti ke mahaz par woh larazta aks kinaye ka
Ke isi ke naam tak aaye the yeh sada-o-sidq ke silsile
Wohi shakhs jis ne tere liye kiya qatl sochti raaye ka
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں