یوں تو صدائے زخم بڑی دور تک گئی — غلام محمد قاصر
شاعر
یوں تو صدائے زخم بڑی دور تک گئی
یوں تو صدائے زخم بڑی دور تک گئی
اک چارہ گر کے شہر میں جا کر بھٹک گئی
خوشبو گرفت عکس میں لایا اور اس کے بعد
میں دیکھتا رہا تری تصویر تھک گئی
گل کو برہنہ دیکھ کے جھونکا نسیم کا
جگنو بجھا رہا تھا کہ تتلی چمک گئی
میں نے پڑھا تھا چاند کو انجیل کی طرح
اور چاندنی صلیب پہ آ کر لٹک گئی
روتی رہی لپٹ کے ہر اک سنگ میل سے
مجبور ہو کے شہر کے اندر سڑک گئی
قاتل کو آج صاحب اعجاز مان کر
دیوار عدل اپنی جگہ سے سرک گئی
غلام محمد قاصر
Yoon to sada-e-zakhm badi door tak gayi
Yoon to sada-e-zakhm badi door tak gayi
Ek chara-gar ke shahar mein ja kar bhatak gayi
Khushboo giraft-e-aks mein laaya aur us ke baad
Main dekhta raha teri tasveer thak gayi
Gul ko barahna dekh ke jhonka naseem ka
Jugnu bujha raha tha ke titli chamak gayi
Main ne padha tha chand ko anjeel ki tarah
Aur chandni saleeb pe aa kar latak gayi
Roti rahi lipat ke har ek sang-e-meel se
Majboor ho ke shahar ke andar sadak gayi
Qaatil ko aaj sahib-e-e'jaaz maan kar
Deewar-e-adl apni jagah se sarak gayi
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں