ذہن میں دائرے سے بناتا رہا دور ہی دور سے مسکراتا رہا — غلام محمد قاصر
شاعر
ذہن میں دائرے سے بناتا رہا دور ہی دور سے مسکراتا رہا
ذہن میں دائرے سے بناتا رہا دور ہی دور سے مسکراتا رہا
میں سمندر نہیں چاند کو علم ہے رات بھر پھر بھی مجھ کو بلاتا رہا
آنکھ میں خیمہ زن نیلگوں وسعتیں اپنا پہلا قدم ہی خلاؤں میں ہے
جو جفا کے جزیرہ نماؤں میں ہے دل کا اس خاک خستہ سے ناتا رہا
کج ادائی کی چادر سے منہ ڈھانپ کر سونے والا سر شام ہی سو گیا
خشک یادوں کے پتوں بھرے کھیت میں سانپ سا رات بھر سرسراتا رہا
دیر تک زرد آندھی سی چلتی رہی سانس بجھتی رہی شمع جلتی رہی
جاں پگھلتی رہی رات ڈھلتی رہی میں نہ روٹھا مگر وہ مناتا رہا
ان سنی سی صداؤں کے گھیرے میں تھا دیکھتے دیکھتے گھپ اندھیرے میں تھا
وہ مجھے پا کے دنیا کے بخشے ہوئے سب کے سب کھوٹے سکے چلاتا رہا
آزمائش میں ہے وہ گھڑی عید کی چاند نے جس کے آنے کی تائید کی
اک پھٹے پیرہن پر پسینے کی تہہ ایک گھر خوشبوؤں میں نہاتا رہا
غلام محمد قاصر
Zehn mein daaire se banata raha dur hi dur se muskurata raha
Zehn mein daaire se banata raha dur hi dur se muskurata raha
Main samandar nahin chand ko ilm hai raat bhar phir bhi mujh ko bulata raha
Aankh mein khaima zan nilgun wus'atein apna pehla qadam hi khalaon mein hai
Jo jafa ke jazira numaaon mein hai dil ka us khaak-e-khasta se nata raha
Kaj adaai ki chadar se munh dhaamp kar sone wala sar-e-sham hi so gaya
Khushk yaadon ke patton bhare khet mein saanp sa raat bhar sarsarata raha
Der tak zard aandhi si chalti rahi saans bujhti rahi shama jalti rahi
Jaan pighalti rahi raat dhalti rahi main na rootha magar woh manata raha
Un-suni si sadaaon ke ghere mein tha dekhte dekhte ghup andhere mein tha
Woh mujhe pa ke duniya ke bakhshe hue sab ke sab khoote sikke chalata raha
Azmaish mein hai woh ghadi eid ki chand ne jis ke aane ki taaeed ki
Ek phate pairahan par pasine ki teh ek ghar khushbuon mein nahata raha
شاعر کے بارے میں
ِغلام محمد قاصر جدید اردو غزل کے اُن اہم شعرا میں شمار ہوتے ہیں جنہوں نے روایت اور جدت کے امتزاج سے اپنی الگ شناخت قائم کی۔ ان کا اصل نام غلام محمد...
مکمل تعارف پڑھیں