ایسے گھر میں رہ رہا ہوں دیکھ لے بے شک کوئی — اقبال ساجد
شاعر
ایسے گھر میں رہ رہا ہوں دیکھ لے بے شک کوئی
ایسے گھر میں رہ رہا ہوں دیکھ لے بے شک کوئی
جس کے دروازے کی قسمت میں نہیں دستک کوئی
یوں تو ہونے کو سبھی کچھ ہے مرے دل میں مگر
اس دکاں پر آج تک آیا نہیں گاہک کوئی
وہ خدا کی کھوج میں خود آخری حد تک گیا
خود کو پانے کی مگر کوشش نہ کی انتھک کوئی
باغ میں کل رات پھولوں کی حویلی لٹ گئی
چشم شبنم سے چرا کر لے گیا ٹھنڈک کوئی
دے گیا آنکھوں کو فرش راہ بننے کا صلہ
دے گیا بینائی کو سوغات میں دیمک کوئی
ایک بھی خواہش کے ہاتھوں میں نہ مہندی لگ سکی
میرے جذبوں میں نہ دولہا بن سکا اب تک کوئی
وہ بھی ساجدؔ تھا مرے جذبوں کی چوری میں شریک
اس کی جانب کیوں نہیں اٹھی نگاہ شک کوئی
اقبال ساجد
Aise ghar mein reh raha hoon dekh le be-shak koi
Aise ghar mein reh raha hoon dekh le be-shak koi
Jis ke darwaze ki qismat mein nahin dastak koi
Yun to hone ko sabhi kuch hai mere dil mein magar
Is dukaan par aaj tak aaya nahin gaahak koi
Woh Khuda ki khoj mein khud aakhri hadd tak gaya
Khud ko paane ki magar koshish na ki an-thak koi
Bagh mein kal raat phoolon ki haveli lut gayi
Chashm-e-shabnam se chura kar le gaya thandak koi
De gaya aankhon ko farsh-e-raah banne ka sila
De gaya beenaai ko saughaat mein deemak koi
Ek bhi khwahish ke haathon mein na mehndi lag saki
Mere jazbon mein na dulha ban saka ab tak koi
Woh bhi Sajid tha mere jazbon ki chori mein shareek
Us ki jaanib kyon nahin uthi nigah-e-shak koi
شاعر کے بارے میں
اقبال ساجد اردو کے معروف جدید غزل گو شعرا میں شمار ہوتے ہیں جن کا اصل نام محمد اقبال تھا۔ وہ 18 مئی 1932 کو لنڈھورا، ضلع سہارنپور (بھارت) میں پیدا ہوئے اور تقسیمِ ہند کے بعد پاکستان آکر لاہور میں مقیم ہوگئے۔ سادگی، داخلیت اور گہرے انسانی شعور نے ان کی شاعری کو معاصر شعرا سے ممتاز کیا۔ اگرچہ وہ صرف میٹرک تک تعلیم حاصل کرسکے، لیکن مطالعے، مشاہدے ...
مکمل تعارف پڑھیں