بے خبر دنیا کو رہنے دو خبر کرتے ہو کیوں — اقبال ساجد
شاعر
بے خبر دنیا کو رہنے دو خبر کرتے ہو کیوں
بے خبر دنیا کو رہنے دو خبر کرتے ہو کیوں
دوستو میرے دکھوں کو مشتہر کرتے ہو کیوں
کوئی دروازہ نہ کھولے گا صدائے درد پر
بستیوں میں شور و غل شام و سحر کرتے ہو کیوں
مجھ سے غربت مول لے کر کون گھر لے جائے گا
تم مجھے رسوا سر بازار زر کرتے ہو کیوں
آنکھ کے اندھوں کو کیوں دکھلاتے ہو پرواز حرف
کاغذوں پہ اب تماشائے ہنر کرتے ہو کیوں
تذکرہ لکھتے ہو کیا میری شکست و ریخت کا
لفظ کی بستی میں معنی کو کھنڈر کرتے ہو کیوں
دوستو! بینائی بخشے گی تمہیں ان کی اڑان
پنچھیوں کو چھوڑ دو بے بال و پر کرتے ہو کیوں
لفظ اگر بوتے تو پھر فصل معانی کاٹتے
دوستو! اب شکوۂ اہل ہنر کرتے ہو کیوں
ظالموں کے ساتھ مل جاؤ رہوگے عیش میں
عمر ساجدؔ کسمپرسی میں بسر کرتے ہو کیوں
اقبال ساجد
Be-khabar duniya ko rehne do khabar karte ho kyon
Be-khabar duniya ko rehne do khabar karte ho kyon
Dosto mere dukhon ko mushtahir karte ho kyon
Koi darwaza na kholega sadaa-e-dard par
Bastiyon mein shor-o-ghul sham-o-sahar karte ho kyon
Mujh se ghurbat mol le kar kaun ghar le jaayega
Tum mujhe ruswa sar-e-bazaar zar karte ho kyon
Aankh ke andhon ko kyon dikhlaate ho parwaz-e-harf
Kaghazon pe ab tamasha-e-hunar karte ho kyon
Tazkira likhte ho kya meri shikast-o-rekht ka
Lafz ki basti mein maani ko khandhar karte ho kyon
Dosto! Beenai bakhshegi tumhein un ki udaan
Panchhiyon ko chhod do be-baal-o-par karte ho kyon
Lafz agar bote to phir fasl-e-maani kaat-te
Dosto! Ab shikwa-e-ahl-e-hunar karte ho kyon
Zaalimon ke saath mil jaao rahoge aish mein
Umar Sajid kusumparsi mein basar karte ho kyon
شاعر کے بارے میں
اقبال ساجد اردو کے معروف جدید غزل گو شعرا میں شمار ہوتے ہیں جن کا اصل نام محمد اقبال تھا۔ وہ 18 مئی 1932 کو لنڈھورا، ضلع سہارنپور (بھارت) میں پیدا ہوئے اور تقسیمِ ہند کے بعد پاکستان آکر لاہور میں مقیم ہوگئے۔ سادگی، داخلیت اور گہرے انسانی شعور نے ان کی شاعری کو معاصر شعرا سے ممتاز کیا۔ اگرچہ وہ صرف میٹرک تک تعلیم حاصل کرسکے، لیکن مطالعے، مشاہدے ...
مکمل تعارف پڑھیں