اک ردائے سبز کی خواہش بہت مہنگی پڑی — اقبال ساجد
شاعر
اک ردائے سبز کی خواہش بہت مہنگی پڑی
اک ردائے سبز کی خواہش بہت مہنگی پڑی
وقت پڑنے پر ہمیں بارش بہت مہنگی پڑی
ہاتھ کیا تاپے کہ پوروں سے دھواں اٹھنے لگا
سرد رت میں گرمئ آتش بہت مہنگی پڑی
موم کی سیڑھی پہ چڑھ کر چھو رہے تھے آفتاب
پھول سے چہروں کو یہ کوشش بہت مہنگی پڑی
خار قسمت کیا نکالے ہاتھ زخمی کر لیے
ناخن تدبیر کی کاوش بہت مہنگی پڑی
اس عمل نے تو کہیں کا بھی نہ رکھا دوستو
خود کو چاہے جانے کی خواہش بہت مہنگی پڑی
ذکر قحط رنگ سے پہلے ہی تالے پڑ گئے
ہر لب تصویر کو جنبش بہت مہنگی پڑی
تند خو موجوں نے ساجدؔ چاند ساحل کھا لیے
بحر شب میں امن کی کوشش بہت مہنگی پڑی
اقبال ساجد
Ek rada-e-sabz ki khwahish bahut mehangi paṛi
Ek rada-e-sabz ki khwahish bahut mehangi paṛi
Waqt paṛne par hamein barish bahut mehangi paṛi
Haath kya tape ke poron se dhuan uṭhne laga
Sard rut mein garmi-e-aatish bahut mehangi paṛi
Mom ki seṛhi pe chaṛh kar chhoo rahe the aaftab
Phool se chehron ko yeh koshish bahut mehangi paṛi
Khaar-e-qismat kya nikale haath zakhmi kar liye
Nakun-e-tadbeer ki kawish bahut mehangi paṛi
Is amal ne to kahin ka bhi na rakha dosto
Khud ko chahe jaane ki khwahish bahut mehangi paṛi
Zikr-e-qaht-e-rang se pehle hi taale paṛ gaye
Har lab-e-tasweer ko jumbish bahut mehangi paṛi
Tund-kho maujon ne Sajidؔ chand saahil kha liye
Bahr-e-shab mein amn ki koshish bahut mehangi paṛi
شاعر کے بارے میں
اقبال ساجد اردو کے معروف جدید غزل گو شعرا میں شمار ہوتے ہیں جن کا اصل نام محمد اقبال تھا۔ وہ 18 مئی 1932 کو لنڈھورا، ضلع سہارنپور (بھارت) میں پیدا ہوئے اور تقسیمِ ہند کے بعد پاکستان آکر لاہور میں مقیم ہوگئے۔ سادگی، داخلیت اور گہرے انسانی شعور نے ان کی شاعری کو معاصر شعرا سے ممتاز کیا۔ اگرچہ وہ صرف میٹرک تک تعلیم حاصل کرسکے، لیکن مطالعے، مشاہدے ...
مکمل تعارف پڑھیں