ہر کسی کو کب بھلا یوں مسترد کرتا ہوں میں — اقبال ساجد
شاعر
ہر کسی کو کب بھلا یوں مسترد کرتا ہوں میں
ہر کسی کو کب بھلا یوں مسترد کرتا ہوں میں
تو ہے خوش قسمت اگر تجھ سے حسد کرتا ہوں میں
بغض بھی سینے میں رکھتا ہوں امانت کی طرح
نفرتیں کرنے پہ آ جاؤں تو حد کرتا ہوں میں
کوئی اپنے آپ کو منوانے والا بھی تو ہو
ماننے میں کب کسی کے رد و کد کرتا ہوں میں
کچھ شعوری سطح پر کچھ لا شعوری طور پر
کار فکر و فن میں اب سب کی مدد کرتا ہوں میں
اس لیے مجھ سے خفا ہیں اہل گلشن آج کل
رنگ جھٹلاتا ہوں خوشبو مسترد کرتا ہوں میں
میرے جذبوں سے بچاؤ نیک دل لوگو مجھے
روز او شب ان بد معاشوں کی مدد کرتا ہوں میں
دوسروں کے واسطے لکھا ہوا لگتا ہے جھوٹ
اپنی سچائی کو اکثر آپ رد کرتا ہوں میں
رنگ پر آئی ہوئی ہے اب جنوں خیزی میری
روز و شب توہین ارباب خرد کرتا ہوں میں
طوق گردن میں پہنتا ہوں لہو کی دھار کا
خلق کو حیران ساجدؔ زد بہ زد کرتا ہوں میں
اقبال ساجد
Har kisi ko kab bhala yun mustarad karta hoon main
Har kisi ko kab bhala yun mustarad karta hoon main
Tu hai khush-qismat agar tujh se hasad karta hoon main
Bughz bhi seene mein rakhta hoon amaanat ki tarah
Nafratein karne pe aa jaaoon to hadd karta hoon main
Koi apne aap ko manwane wala bhi to ho
Maanne mein kab kisi ke radd-o-kad karta hoon main
Kuch shaoori satah par kuch la-shaoori taur par
Kaar-e-fikr-o-fan mein ab sab ki madad karta hoon main
Is liye mujh se khafa hain ahl-e-gulshan aaj kal
Rang jhutlaata hoon khushboo mustarad karta hoon main
Mere jazbon se bachao nek dil logo mujhe
Roz-o-shab in bad-maashon ki madad karta hoon main
Doosron ke vaaste likha hua lagta hai jhoot
Apni sachchaai ko aksar aap radd karta hoon main
Rang par aayi hui hai ab junoon-khaizi meri
Roz-o-shab tauheen-e-arbab-e-khirad karta hoon main
Tauq gardan mein pehnta hoon lahoo ki dhaar ka
Khalq ko hairan Sajid zad ba-zad karta hoon main
شاعر کے بارے میں
اقبال ساجد اردو کے معروف جدید غزل گو شعرا میں شمار ہوتے ہیں جن کا اصل نام محمد اقبال تھا۔ وہ 18 مئی 1932 کو لنڈھورا، ضلع سہارنپور (بھارت) میں پیدا ہوئے اور تقسیمِ ہند کے بعد پاکستان آکر لاہور میں مقیم ہوگئے۔ سادگی، داخلیت اور گہرے انسانی شعور نے ان کی شاعری کو معاصر شعرا سے ممتاز کیا۔ اگرچہ وہ صرف میٹرک تک تعلیم حاصل کرسکے، لیکن مطالعے، مشاہدے ...
مکمل تعارف پڑھیں