جانے کیوں گھر میں مرے دشت و بیاباں چھوڑ کر — اقبال ساجد
شاعر
جانے کیوں گھر میں مرے دشت و بیاباں چھوڑ کر
جانے کیوں گھر میں مرے دشت و بیاباں چھوڑ کر
بیٹھتی ہیں بے سر و سامانیاں سر جوڑ کر
کتنی نظریں کتنی آسیں کتنی آوازیں یہاں
لوٹ جاتی ہیں در و دیوار سے سر پھوڑ کر
جانے کس کی کھوج میں پیہم بگولے آج کل
پھر رہے ہیں شہر کی گلیوں میں صحرا چھوڑ کر
مجھ پہ پتھر پھینکنے والوں کو تیرے شہر میں
نرم و نازک ہاتھ بھی دیتے ہیں پتھر توڑ کر
بس رہا ہوں آج اس ماحول میں ساجدؔ جہاں
لوگ باراتوں میں جاتے ہیں جنازے چھوڑ کر
اقبال ساجد
Jaane kyon ghar mein mere dasht-o-bayaban chhoR kar
Jaane kyon ghar mein mere dasht-o-bayaban chhoR kar
Baithti hain be-sar-o-samaniyaan sar joR kar
Kitni nazrein kitni aasein kitni awaazein yahan
LauT jaati hain dar-o-deewar se sar phoR kar
Jaane kis ki khoj mein paiham bagule aaj kal
Phir rahe hain shahr ki galiyon mein sahra chhoR kar
Mujh pe patthar phenkne walon ko tere shahr mein
Narm-o-nazuk haath bhi dete hain patthar toR kar
Bas raha hun aaj us mahaul mein Sajid jahan
Log baraaton mein jaate hain janaze chhoR kar
شاعر کے بارے میں
اقبال ساجد اردو کے معروف جدید غزل گو شعرا میں شمار ہوتے ہیں جن کا اصل نام محمد اقبال تھا۔ وہ 18 مئی 1932 کو لنڈھورا، ضلع سہارنپور (بھارت) میں پیدا ہوئے اور تقسیمِ ہند کے بعد پاکستان آکر لاہور میں مقیم ہوگئے۔ سادگی، داخلیت اور گہرے انسانی شعور نے ان کی شاعری کو معاصر شعرا سے ممتاز کیا۔ اگرچہ وہ صرف میٹرک تک تعلیم حاصل کرسکے، لیکن مطالعے، مشاہدے ...
مکمل تعارف پڑھیں