کل شب دل آوارہ کو سینے سے نکالا — اقبال ساجد
شاعر
کل شب دل آوارہ کو سینے سے نکالا
کل شب دل آوارہ کو سینے سے نکالا
یہ آخری کافر بھی مدینے سے نکالا
یہ فوج نکلتی تھی کہاں خانۂ دل سے
یادوں کو نہایت ہی قرینے سے نکالا
میں خون بہا کر بھی ہوا باغ میں رسوا
اس گل نے مگر کام پسینے سے نکالا
ٹھہرے ہیں زر و سیم کے حق دار تماشائی
اور مار سیہ ہم نے دفینے سے نکالا
یہ سوچ کے ساحل پہ سفر ختم نہ ہو جائے
باہر نہ کبھی پاؤں سفینے سے نکالا
اقبال ساجد
Kal shab dil aawara ko seene se nikala
Kal shab dil aawara ko seene se nikala
Yeh aakhri kaafir bhi madine se nikala
Yeh fauj nikalti thi kahan khana-e-dil se
Yaadon ko nihayat hi qareene se nikala
Main khoon baha kar bhi hua bagh mein ruswa
Us gul ne magar kaam paseene se nikala
Thehre hain zar-o-seem ke haq daar tamashaai
Aur maar-e-siyah humne dafeene se nikala
Yeh soch ke saahil pe safar khatm na ho jaaye
Baahar na kabhi paaoon safeene se nikala
شاعر کے بارے میں
اقبال ساجد اردو کے معروف جدید غزل گو شعرا میں شمار ہوتے ہیں جن کا اصل نام محمد اقبال تھا۔ وہ 18 مئی 1932 کو لنڈھورا، ضلع سہارنپور (بھارت) میں پیدا ہوئے اور تقسیمِ ہند کے بعد پاکستان آکر لاہور میں مقیم ہوگئے۔ سادگی، داخلیت اور گہرے انسانی شعور نے ان کی شاعری کو معاصر شعرا سے ممتاز کیا۔ اگرچہ وہ صرف میٹرک تک تعلیم حاصل کرسکے، لیکن مطالعے، مشاہدے ...
مکمل تعارف پڑھیں