خوف دل میں نہ ترے در کے گدا نے رکھا — اقبال ساجد
شاعر
خوف دل میں نہ ترے در کے گدا نے رکھا
خوف دل میں نہ ترے در کے گدا نے رکھا
دن کو کشکول بھرا شب کو سرہانے رکھا
فکر معیار سخن باعث آزار ہوئی
تنگ رکھا تو ہمیں اپنی قبا نے رکھا
رات فٹ پاتھ پہ دن بھر کی تھکن کام آئی
اس کا بستر بھی کیا سر پہ بھی تانے رکھا
خوف آیا نہیں سانپوں کے گھنے جنگل میں
مجھ کو محفوظ مری ماں کی دعا نے رکھا
یہ الگ بات سمندر پہ وہ برسی ساجدؔ
اور کسی کھیت کو پیاسا نہ گھٹا نے رکھا
اقبال ساجد
Khauf dil mein na tere dar ke gada ne rakha
Khauf dil mein na tere dar ke gada ne rakha
Din ko kashkol bhara shab ko sirhane rakha
Fikr-e-mayar-e-sukhan baais-e-azār hui
Tang rakha to hamein apni qaba ne rakha
Raat footpath pe din bhar ki thakan kaam aayi
Us ka bistar bhi kya sar pe bhi taane rakha
Khauf aaya nahin saapon ke ghane jangal mein
Mujh ko mahfooz meri maaN ki dua ne rakha
Yeh alag baat samandar pe woh barsi Sajid
Aur kisi khet ko pyasa na ghata ne rakha
شاعر کے بارے میں
اقبال ساجد اردو کے معروف جدید غزل گو شعرا میں شمار ہوتے ہیں جن کا اصل نام محمد اقبال تھا۔ وہ 18 مئی 1932 کو لنڈھورا، ضلع سہارنپور (بھارت) میں پیدا ہوئے اور تقسیمِ ہند کے بعد پاکستان آکر لاہور میں مقیم ہوگئے۔ سادگی، داخلیت اور گہرے انسانی شعور نے ان کی شاعری کو معاصر شعرا سے ممتاز کیا۔ اگرچہ وہ صرف میٹرک تک تعلیم حاصل کرسکے، لیکن مطالعے، مشاہدے ...
مکمل تعارف پڑھیں