مجھے نہیں ہے کوئی وہم اپنے بارے میں — اقبال ساجد
شاعر
مجھے نہیں ہے کوئی وہم اپنے بارے میں
مجھے نہیں ہے کوئی وہم اپنے بارے میں
بھرو نہ حد سے زیادہ ہوا غبارے میں
تماشا ختم ہوا دھوپ کے مداری کا
سنہری سانپ چھپے شام کے پٹارے میں
جسے میں دیکھ چکا اس کو لوگ کیوں دیکھیں
نہ چھوڑی کوئی بھی باقی کشش نظارے میں
وہ بولتا تھا مگر لب نہیں ہلاتا تھا
اشارہ کرتا تھا جنبش نہ تھی اشارے میں
تمام لوگ گھروں کی چھتوں پہ آ جائیں
بڑی کشش ہے نئے چاند کے نظارے میں
ملے مجھے بھی اگر کوئی شام فرصت کی
میں کیا ہوں کون ہوں سوچوں گا اپنے بارے میں
پرانی سمت مڑے گا نہ کوئی بھی ساجدؔ
یہ عہد نو نہ بہے گا قدیم دھارے میں
اقبال ساجد
Mujhe nahin hai koi wahm apne bare mein
Mujhe nahin hai koi wahm apne bare mein
Bharo na had se zyada hawa ghubbare mein
Tamasha khatm hua dhoop ke madari ka
Sunehri saanp chhupe shaam ke paTare mein
Jise main dekh chuka us ko log kyon dekhen
Na chhoDi koi bhi baqi kashish nazare mein
Wo bolta tha magar lab nahin hilata tha
Ishara karta tha junbish na thi ishare mein
Tamam log gharon ki chhaton pe aa jaen
BaDi kashish hai naye chand ke nazare mein
Mile mujhe bhi agar koi shaam fursat ki
Main kya hun kaun hun sochunga apne bare mein
Purani simt muDega na koi bhi Sajid
Ye ahd-e-nau na bahega qadeem dhaare mein
شاعر کے بارے میں
اقبال ساجد اردو کے معروف جدید غزل گو شعرا میں شمار ہوتے ہیں جن کا اصل نام محمد اقبال تھا۔ وہ 18 مئی 1932 کو لنڈھورا، ضلع سہارنپور (بھارت) میں پیدا ہوئے اور تقسیمِ ہند کے بعد پاکستان آکر لاہور میں مقیم ہوگئے۔ سادگی، داخلیت اور گہرے انسانی شعور نے ان کی شاعری کو معاصر شعرا سے ممتاز کیا۔ اگرچہ وہ صرف میٹرک تک تعلیم حاصل کرسکے، لیکن مطالعے، مشاہدے ...
مکمل تعارف پڑھیں