تم مجھے بھی کانچ کی پوشاک پہنانے لگے — اقبال ساجد
شاعر
تم مجھے بھی کانچ کی پوشاک پہنانے لگے
تم مجھے بھی کانچ کی پوشاک پہنانے لگے
میں جسے دیکھوں وہی پتھر نظر آنے لگے
بے سبب گھر سے نکل کر آ گئے بازار میں
آئنہ دیکھا نہیں تصویر چھپوانے لگے
دشت میں پہنچے تو تنہائی مکمل ہو گئی
بڑھ گئی وحشت تو پھر خود سے ہی ٹکرانے لگے
خون کا نشہ چڑھا تو جسم زہریلا ہوا
خواہشوں کے پانیوں میں سانپ لہرانے لگے
کچھ نہیں ہے ذہن میں تو وہم کی شکلیں بنا
روشنی ہوگی اگر سائے نظر آنے لگے
دیکھنا چاہا تو وہ آنکھوں سے اوجھل ہو گیا
چومنا چاہا تو میرے ہونٹ پتھرانے لگے
رنگ آخر لے ہی آیا میری سوچوں کا جمود
برف کے سورج بلا کی دھوپ پھیلانے لگے
چل پڑے تو ہو لئے اقبال ساجدؔ اپنے ساتھ
تھک گئے تو اپنے ہی سائے ہیں سستانے لگے
اقبال ساجد
Tum mujhe bhi kaanch ki poshaak pehnane lage
Tum mujhe bhi kaanch ki poshaak pehnane lage
Main jise dekhun wahi patthar nazar aane lage
Be-sabab ghar se nikal kar aa gaye bazaar mein
Aaina dekha nahin tasveer chhupwaane lage
Dasht mein pahuche to tanhaai mukammal ho gayi
Badh gayi vahshat to phir khud se hi takraane lage
Khoon ka nasha chadha to jism zehreela hua
Khwahishon ke paaniyon mein saamp lehraane lage
Kuch nahin hai zehn mein to veham ki shaklein bana
Roshni hogi agar saaye nazar aane lage
Dekhna chaha to woh aankhon se ojhal ho gaya
Choomna chaha to mere honth pathraane lage
Rang aakhir le hi aaya meri sochon ka jamood
Barf ke suraj bala ki dhoop phailaane lage
Chal pade to ho liye Iqbal Sajid apne saath
Thak gaye to apne hi saaye hain sustaane lage
شاعر کے بارے میں
اقبال ساجد اردو کے معروف جدید غزل گو شعرا میں شمار ہوتے ہیں جن کا اصل نام محمد اقبال تھا۔ وہ 18 مئی 1932 کو لنڈھورا، ضلع سہارنپور (بھارت) میں پیدا ہوئے اور تقسیمِ ہند کے بعد پاکستان آکر لاہور میں مقیم ہوگئے۔ سادگی، داخلیت اور گہرے انسانی شعور نے ان کی شاعری کو معاصر شعرا سے ممتاز کیا۔ اگرچہ وہ صرف میٹرک تک تعلیم حاصل کرسکے، لیکن مطالعے، مشاہدے ...
مکمل تعارف پڑھیں