وہ چاند ہے تو عکس بھی پانی میں آئے گا — اقبال ساجد
شاعر
وہ چاند ہے تو عکس بھی پانی میں آئے گا
وہ چاند ہے تو عکس بھی پانی میں آئے گا
کردار خود ابھر کے کہانی میں آئے گا
چڑھتے ہی دھوپ شہر کے کھل جائیں گے کواڑ
جسموں کا رہ گزار روانی میں آئے گا
آئینہ ہاتھ میں ہے تو سورج پہ عکس ڈال
کچھ لطف بھی سراغ رسائی میں آئے گا
رخت سفر بھی ہوگا مرے ساتھ شہر میں
صحرا بھی شوق نقل مکانی میں آئے گا
پھر آئے گا وہ مجھ سے بچھڑنے کے واسطے
بچپن کا دور پھر سے جوانی میں آئے گا
کب تک لہو کے حبس سے گرمائے گا بدن
کب تک ابال آگ سے پانی میں آئے گا
صورت تو بھول بیٹھا ہوں آواز یاد ہے
اک عمر اور ذہن گرانی میں آئے گا
ساجدؔ تو اپنے نام کا کتبہ اٹھائے پھر
یہ لفظ کب لباس معانی میں آئے گا
اقبال ساجد
Wo chand hai to aks bhi pani mein aayega
Wo chand hai to aks bhi pani mein aayega
Kirdar khud ubhar ke kahani mein aayega
ChaDhte hi dhoop shahr ke khul jaenge kawaD
Jismon ka rah-guzar rawani mein aayega
Aaina haath mein hai to suraj pe aks Daal
Kuchh lutf bhi suragh-rasaai mein aayega
Rakht-e-safar bhi hoga mire saath shahr mein
Sahra bhi shauq-e-naql-e-makani mein aayega
Phir aayega wo mujh se bichhaDne ke waaste
Bachpan ka daur phir se jawani mein aayega
Kab tak lahu ke habs se garmayega badan
Kab tak ubaal aag se pani mein aayega
Soorat to bhool baitha hun aawaz yaad hai
Ek umr aur zehn-e-girani mein aayega
Sajid tu apne naam ka kutba uThaye phir
Ye lafz kab libas-e-ma'ani mein aayega
شاعر کے بارے میں
اقبال ساجد اردو کے معروف جدید غزل گو شعرا میں شمار ہوتے ہیں جن کا اصل نام محمد اقبال تھا۔ وہ 18 مئی 1932 کو لنڈھورا، ضلع سہارنپور (بھارت) میں پیدا ہوئے اور تقسیمِ ہند کے بعد پاکستان آکر لاہور میں مقیم ہوگئے۔ سادگی، داخلیت اور گہرے انسانی شعور نے ان کی شاعری کو معاصر شعرا سے ممتاز کیا۔ اگرچہ وہ صرف میٹرک تک تعلیم حاصل کرسکے، لیکن مطالعے، مشاہدے ...
مکمل تعارف پڑھیں